عراق میں دھماکہ 4 فوجی جاں بحق

(این ایچ نیوز پاک )عراق کی وزارت دفاع کا کہنا ہے کہ بغداد میں ہونے والے ایک دہشتگردانہ حملے میں 4 فوجی جاں بحق ہو گئے۔

عراق کی وزارت دفاع نے ایک بیان جاری کرتے ہوئے کہا ہے کہ دہشتگردوں نے الطارمیہ میں فوجی اہلکاروں کی ایک گاڑی کے قریب دھماکہ کیا جس کے نتیجے میں 4 فوجی جاں بحق ہو گئے۔

دوسری جانب کرکوک کے دبس شہر میں دہشتگرد گروہ داعش نے  کرد فورسز کی فوجی چوکی پر حملہ کیا جس کے نتیجے میں 7 کرد سکیورٹی اہلکار ہلاک ہو گئے۔

واضح رہے کہ عراق میں داعشی دہشت گردوں نے ایک بار پھر سراٹھانے کی کوشش کی ہے اور وہ منظم ہو رہے ہیں جبکہ ان دہشت گرد عناصر کے خلاف عراقی سیکورٹی فورس بھی مختلف علاقوں میں کارروائی جاری رکھے ہوئے ہے۔