اسرائیل نوازی، متحدہ عرب امارات کا ایک اور اعزاز
(این ایچ نیوز پاک )قدس کے غاصبوں کے بائيکاٹ میں شامل امریکی فہرست سے متحدہ عرب امارات باہر ہوگیا۔
امریکہ میں متحدہ عرب امارات کےسفارتخانےکی جانب سے جاری بیان میں کہا گیا ہے کہ واشنگٹن نے امارات کو صیہونی حکومت بائیکاٹ والے ممالک کی فہرست سے نکال لیا ہے۔
یواےای سفارتخانے کا کہنا ہے کہ امریکی کمپنیوں کیلئےابراہام معاہدوں سےفائدہ اٹھانےمیں آسانی ہوگی۔ یواےای نےاگست 2020 میں خود ساختہ اسرائیلی ریاست کا مالی بائیکاٹ ختم کردیا تھا۔
متحدہ امارات کے سربراہ "خلیفہ بن زید النہیان” نے ایک فرمان جاری کرکے قدس کی غاصب حکومت کے بائیکاٹ سے متعلق دہائیوں پرانا ملکی قانون منسوخ کیا تھا جس کے بعد دونوں ممالک کے درمیان سفارتی اور اقتصادی روابط باضابطہ طور پر بحال ہو گئے ہیں۔
امارات کے سربراہ خلیفہ بن زید النہیان کے فرمان میں تعلقات قائم کرنے کی توثیق کی گئی ۔ اس طرح صہیونی اداروں اور افراد کے ساتھ تجارتی معاہدے اور سمجھوتے کرنے کی اجازت دے دی گئی ہے ۔
اسی طرح اب غاصب اسرائيل کی تیار کردہ تمام مصنوعات اور سامان کو متحدہ عرب امارات میں داخلے اور فروخت کی اجازت ہو گی۔
