نظام کی تبدیلی میں وقت لگتا ہے، عمران خان

(این ایچ نیوز پاک)پاکستان کے وزیراعظم عمران خان نے کہا ہے کہ ملک میں نظام کی تبدیلی کے لیے قومی عزم و ارادہ کی ضرورت ہوتی ہے اور اس میں وقت درکار ہوتا ہے۔

لاھور میں ایک ترقیاتی منصوبے کے سنگ بنیاد رکھنے کی تقریب سے خطاب کرتے ہوئے پاکستان کے وزیراعظم عمران خان کا کہنا تھا کہ جب کسی نظام میں برائیاں اور بدعنوانیاں رکاوٹ بن جائیں  تو تبدیلی لانے میں وقت لگتا ہے۔

انہوں نے ملک میں بدعنوانیوں اور رشوت ستانی جیسے معاملات پر کڑی نکتہ چینی کرتے ہوئے کہا کہ میں نے اپنے آنکھوں کے سامنے نظام خراب ہوتے ہوئے دیکھا اور یہ نظام بن گیا کہ رشوت دو تو کام ہوگا۔

انہوں نے کہا کہ اس نظام کو تبدیل کرنا ایک عظم مقصد ہے اور اس کے حصول کے لیے قومی عزم و ارادے کی ضرورت ہے۔

پاکستان کے وزیراعظم نے کہا کہ اکیسویں صدی کے چیلنجوں پر قابو پانے کے لیے ہمیں اس نظام کو اپنے آپ کو تبدیل کرنا ہوگا۔